以往張繼聰的鋼條身型，令不少人報以羨慕眼光，但近兩年阿聰愈來愈大隻，有一排更是肥腫難分，原來是為了拍好電影，於是決定操成大隻佬，從照片所見，手瓜直情大過教練個頭！

不過肌肉並非一朝可以練成，過中辛酸只有自己知。正如阿聰所言︰「每個禮拜六天訓練，就算工作幾忙，風雨不改。每次嘅訓練都係要超越自己嘅極限。不過健身呢門藝術，冇short cut，只有不斷重複訓練，而且效果更一定唔會係短時間出現。」

他亦把過去兩年的心路歷程寫出來，希望可以勉勵到別人。他說為了增加力氣，一定要儲脂肪，所以過去兩年增大食量，更被人笑他沒運動兼「肥到冇頸」。不過阿聰沒有氣餒，反而暗喜，他說︰「因為練得咁辛苦，人地完全唔覺我有改變咪仲大劑？同埋，我好相信一樣嘢，要行同人地唔同嘅路，一定會聽到好多唔同嘅聲音，唔好介意，繼續行好自己嘅路，因為從Day 1 開始，我就係要同人地唔同。又唔係傷害別人，點解唔盡力做 the best version of yourself? 。」

立即更新/下載AM730手機APP 體驗升級功能